Smak av Hardanger

Me møtast på Hardanger fartøyvernsenter kl 16 og mønstrar på «Mathilde». Vel innlosjert om bord, får du ei innføring i tryggleik medan me legg frå kai og byrjar reisa mot Aga. Det vil verte sett segl og du som deltakar får høve til å vera med på oppgåvene knytt til dette, om du ynskjer.
På vegen inn fjorden vert det servert middag om bord.
På kvelden legg me til kai ved Aga sideri, der Mathilde ligg over natta. Du kan velja om du vil sove i hengekøye eller på madrass i banjeren (opphaldsrommet i båten).
Laurdag 11. juli
Dagen startar med frukost på dekk, mens me tar inn det spektakulære landskapet i Sørfjorden.
Me går i land og spaserer den korte turen opp til Agatunet, der me får omvising i det historiske klyngetunet med røter heilt tilbake til mellomalderen. Eit av høgdepunkta er Lagmannsstova, landet eldste rettslokale, bygd heilt tilbake i 1220.
Etter besøket i Agatunet, går me ned igjen til Aga sideri. Her får me omvising på garden, sidersmaking og ein smakfull lunsj, beståande av tradisjonsrik mat og fyrsteklasses råvarer frå Hardanger.
I 14-tida reiser me med buss til Utne og vert tatt imot på Utne Hotel, bygd i 1722. Her får me tildelt kvart vårt hotellrom, som alle har historiske møblar og unike stilartar. Alle med eige moderne flislagde bad.
No ventar ein avslappande ettermiddag på Utne – her du kan slappe av, gå ein tur og ha gode samtaler over eit glas sprudlande sider.
På kvelden serverer me ein 5-retters middag i hotellets restaurant, basert på lokale råvarer.
Me nyter ein god frukost på Utne Hotel før me mønstrar om bord på «Mathilde» og vender kursen tilbake mot Norheimsund. På vegen heim set me segl og nyt dei fantastiske omgjevnadane, med fjell, fonn og yrande natur. Det vert servert ein smakfull lunsj på fjorden.
Me avsluttar turen der me starta, på Hardanger fartøyvernsenter i Norheimsund.

Tidsplan

Om dei ulike aktørane

Utne Hotel er Noregs eldste freda trehotell som kontinuerleg har vore i drift sidan 1722. Her skal du bu på eit av dei historiske romma og nyte ein 5-rettars middag laga på lokale råvarer.

Agatunet er eit autentisk mellomaldertun som gir deg innblikk i historia til regionen og rettshistoria til Noreg. Eit av høgdepunkta er Lagmannsstova, landet eldste rettslokale, bygd heilt tilbake i 1220.

Aga sideri (etabl. 2018) er kjent for sin prisvinnande sider. På turen vert du invitert inn på garden der sideren vert produsert, du får ei omvising i produksjonslokalet og får smake og lære om prosessen frå treet til glaset.

Hardangerjakta «Mathilde» vart bygd i Ølve i Hardanger i 1884. Skroget er i tre og både segl og tauverk er i naturfiber. Mathilde har eit sjøvant mannskap som står for tryggleik og trivsel om bord som er klare for å visa deg korleis ein seglar ei skute frå 1800-talet.

Greit å veta

Ja, det kan du! Om bord på Mathilde er det heilt opp til deg kor mykje du ynskjer å delta. Om du ynskjer å vere med å klatra i riggen, setje og pakka segl så får du det! Mannskapet om bord deler gladelig av sin kunnskap med deltakarane. Om du heller vil sitje på dekk med ei god bok og berre nyta livet og utsikta, må du veldig gjerne det!
Du må ingenting, men kan vere med om du vil!
Om bord på Mathilde kan du velje om du vil sova i hengekøye eller på benk med madrass. Om veret er fint, kan ein også ta med hengekøya si på dekk.
På Utne hotel sjekkar du inn på eit av dei stemningsfulle hotellromma med høg komfort og historie i veggane.
Det er to toalett om bord på Mathilde. Det er heilt vanlege vassklosett og vask som du er vand med frå bolighus
Om bord på Mathilde vert det fyrste kvelden servert middag medan me seglar mot Aga. Neste morgon vert det frokost om bord.
- På Aga Sideri: Smakfull lunsjplanke, beståande av tradisjonsrik mat og fyrsteklasses råvarer frå Hardanger.
- På Utne Hotel: 5-retters middag i hotellets restaurant, basert på lokale råvarer.
Ja. Alkoholfrie alternativ som eplemost og alkoholfri sider er tilgjengeleg.
Mathilde reiser frå Norheimsund på fredagen og legg til ved Aga sideri om kvelden. Der vert ho liggande heilt til me skal tilbake til Norheimsund igjen søndags føremiddag.
Du må kunne komma deg opp og ned trapper sjølve. Dette gjeld både på Mathilde og på Utne Hotel. På Aga Sideri er det noko bratt frå kaien og opp til smakslokalet.
På Mathilde er me mest ute i friluft. Hugs at det på fjorden kan det verte kaldt sjølv om det er sol og fint ver, så det er viktig å ha med seg dei rette kleda. Du kan risikera å få ein tjøreflekk eller to på kleda, så ta ikkje med plagg du er redd for.
Når du kjem om bord skal alle tinga dine pakkast ned i ei skipskiste på ca. 100 liter. Pakk difor smart og ikkje meir enn naudsynt. Støvlar, sovepose og yttertøy har me ikkje i kistene.
Harde koffertar tar mykje plass, så pakk helst i sekk eller mjuk bag, då desse vert stua vekk under benkane om bord etter utpakking.
Tips! Ta med deg ein dagstursekk til oppholdet på Utne hotel.
- Sovepose
- Regnklede
- Sko som tåler vatn eller støvlar
- Vindtett jakke
- Varm genser
- Badetøy
- Handduk
- Øyreproppar

Praktisk informasjon

Aldersgrense: Denne turen er tilrettelagt vaksne. Aldersgrense er 18 år.

Start: Hardanger fartøyvernsenter, Norheimsund fredag 10. juli kl. 16.

Slutt: Hardanger fartøyvernsenter, Norheimsund 12. juli kl. 14.

Varigheit: 10. – 12. juli 2026 (2 overnattingar, 3 dagar)

Pris: kr. 12 900,- per person. Begrensa plassar.

Adkomst: Buss eller eigen bil. Med bil er det ca. ein times køyring frå Bergen til Norheimsund og det er mogleg å parkere på Hardanger fartøyvernsenter. Det går også buss, sjå skyss.no for rutetider.

Adresse og parkering: Hardanger fartøyvernsenter, Sandvenvegen 50.
Det er parkering ved senteret. Om du kjem med buss, er det ca. ti minutters gange frå busshaldeplassen.

Avbestilling: 90 dagar før avreise.

- Segltur med hardangerjakta «Mathilde» med erfarent mannskap om bord.
- Kort innføring i segling, historisk sjømannskap og navigering med kart.
- Sidersmaking på Aga sideri.
- Omvising i Agatunet frå mellomalderen
- Alle måltid. Middag, frukost og lunsj om bord på «Mathilde», lunsj på Aga sideri, lokal 5-retters middag og rik frukostbuffet på Utne Hotel.
- Overnatting om bord i «Mathilde» og på Utne Hotel.
- Hengekøye og skipskiste til ditt bruk mens du er om bord.
- Rundtur på Hardangerfjorden, frå Norheimsund til Aga og tilbake.
- Ei unik og eksotisk norsk ferieoppleving med sterk lokal forankring.
- Reise til og frå start-/sluttstaden
- Drikke til måltida. Både på Mathilde og Utne hotel vil det vere mogleg å kjøpe drikke til middagen.
- Reiseforsikring og/eller avbestillingsforsikring – (valfritt, men tilrådd)